RESPONSO DE SAN PEDRO DE ALCÁNTARA

   
Tomado del Tratado de la Oración, Meditación y Devoción, publicado en Madrid por la Imprenta de Benito Cano en 1790.

   

LATÍN

Dómine Jesu-Christe, cui Sanctus Petrus ádeo fidéliter in vita sua servívit, ut in témpore iracúndiæ fíeret reconcilialátio. * Exáudi propter eum preces nostras, et da nobis salútem ánimæ, et córporis.

℣. Qui fámulæ tuæ Therésiæ dixísti, te semper in Petri nómine peténtes exauditúrum. * Exáudi propter eum preces nostras, et da nobis salútem ánimæ, et córporis.

Glória Patri, et Fílio, et Spirítui Sancto. Exáudi propter eum preces nostras, et da nobis salútem ánimæ, et córporis.

   

RESPÓNSUS

℣. Si quǽris mirácula,

Ignis, glando, glácies,

Nix, procéllæ Spiritus,

Petro parent venti.

℞. Cedit mors, sors ǽmula,

Quǽque morbi spécies, 

Hostis fugit térritus,

Astat dum cadénti.

℣. Celébrant orácula

Invocátus quóties 

Dona, quot hic cœ́litus 

Omni dat peténti.

℞. Cedit mors, sors ǽmula,

Quǽque morbi spécies, 

Hostis fugit térritus,

Astat dum cadénti.

   

℣. Glória Patri, et Fílio,

Et Spirítui Sancto. 

℞. Cedit mors, sors ǽmula,

Quǽque morbi spécies, 

Hostis fugit térritus,

Astat dum cadénti.

   

℣. Méritis, et précibus Beáti Petri de Alcantára.

℞. Concéde nobis, Dómine, salútem animæ, et córporis.

Orémus.

ORATIO

Omnípotens sempitérne Deus, qui per Sanctos tuos mirabília semper operári dignáris, te humíliter exorámus, ut sicut per Beátum Petrum de Alcántara peténtium preces, ad votum misericórditer exaudíre promisísti: sic nostras nunc, per ejúsdem mérita, supplicatiónes exáudias, et salutárem super nos rorem tuæ benedictiónis infúndas, ut ab ómnibus malis liberáti, ad tuam misericórdiam felíciter perveníre mereámur. Per Christum Dóminum nostrum. Amen.

ORATIO SANCTI PETRI DE ALCANTARA, DICENDA SUPER INFIRMOS

Jesus ✠, María ✠, Sanctus Petrus ✠ de Alcántara, Poténtia Dei ✠ Patris, Sapiéntia Dei ✠ Fílii, Bónitas Spíritus ✠ Sancti, líberet te ab ista infirmitáte, per suam piíssimam misericórdiam, et per Sancti Petri de Alcántara mérita.

   

℣. Ora pro nobis, Sancte Petre de Alcántara.

℞. Ut digni efficiámur promissiónibus Christi.

ORATIO

Ánnue, quǽsumus Omnípotens Deus, précibus nostris, et interveniénte Beáto Petro de Alcántara Confessóre tuo, ac ejus præcláris méritis suffragántibus, præsta huic infírmo salútem córporis, ut in Ecclésia tua réferat gratiárum actiónes; et mentis, ut te láudet in ætérnum. Exáudi, quǽsumus, Pater clementíssime, preces servórum tuórum. Ecce enim in te crédimus: te dilígimus: in te sperámus; concéde nobis poténter, quod te súpplices rogámus. Fac ergo, Dómine, quod Vírgini tuæ Therésiæ promisísti, concessúrum, quídquid te in Petri nómine rogáremus. Per Dóminum nostrum Jesum Christum Fílium tuum, qui tecum vivit, et regnat in unitáte Spíritus Sancti Deus, in sǽcula sæculórum. Amen. 

℣. Sancte Petre de Alcántara, exémplar pœniténtiæ. 

℞. Ora pro nobis Jesum summa cleméntiæ. 

℣. O bone Jesu, salus, et vita! 

℞. Exáudi nos clamántes ita.