OFICIO PARVO DE SAN BENITO ABAD

Tomado del Manual de devociones al Santo Padre San San Benito, Abad y Patriarca de los monjes occidentales, publicado en Londres por la Compañía editorial y distribuidora católica en 1861, con permiso del Superior e Imprimátur de Dom Ricardo Plácido Burchall OSB, Abad de Westminster y Presidente general de la Congregación Inglesa de la Orden de San Benito; y de la Vida y regla de San Benito publicada en Colonia en 1690.

  

   

LATÍN

OFFÍCIUM PARVUM BEATÍSSIMI PATRIS NOSTRI BENEDÍCTI

   

AD MATUTÍNUM (Maitines, antes de 06:00h)

    

† In nómine Patris, et Fílii, et Spíritus Sancti. Amen.

℣. Deus ✠, in adjutórium meum inténde.

℟. Dómine, ad adjuvándum me festína.

    

℣. Glória Patri, et Fílio, et Spirítui Sancto.

℟. Sicut erat in princípio, et nunc, et semper, et in sǽcula sæculórum. Amen. Desde la Septuagésima hasta la Pascua, en lugar del Allelúja, decir: Laus tibi, Dómine, Rex ætérnæ glóriæ.

  

HIMNUS

En la fiesta de San Benito el 21 de Marzo y durante su octava, se sustituye este verso:

[Auróra surgit áurea; 

Festa restáurans ánnua, 

Cum Benedíctus árduum 

Cœli scandit palátium].

Cœtus triúmphet Cœ́litum 

Áddatque terra júbilum; 

Fruátur quod ǽthereis 

Benedíctus gáudiis. 

Quánta in summis áccipit, 

Qui sic in imis cláruit 

Cujus micant prodígia, 

Per ampla mundi clímata.

O sacrosáncta Trínitas, 

Sit tibi laus et glória:

Quam Benedíctus frúitur, 

Per infiníta sǽcula. Amen.

  

Antiphonam: Fuit vir vitæ venerábilis, grátia Benedíctus, et nómine, qui ab ipso puerítiæ suæ témpore cor gerens seníle: ætátem móribus tránsiens, nulli ánimum voluptáti dedit.

   

Canticum Jeremiæ (Jer. 17, 7-8):

Benedíctus vir qui confídit in Dómino, * et erit Dóminus fidúcia eius.

Et erit quasi lignum quod transplantátur super aquas, † quod ad humórem mittit radíces suas, * et non timébit cum vénerit æstus.

Et erit fólium eius víride, † et in témpore siccitátis non erit sollícitum, * nec aliquándo désinet fácere fructum.

℣. Glória Patri, et Fílio, * et Spirítui Sancto.

℟. Sicut erat in princípio, et nunc, et semper, * et in sǽcula sæculórum. Amen.

  

Antiphonam: Fuit vir vitæ venerábilis, grátia Benedíctus, et nómine, qui ab ipso puerítiæ suæ témpore cor gerens seníle: ætátem móribus tránsiens, nulli ánimum voluptáti dedit.

   

En tiempo pascual, se añade el Allelúja a los Himnos, Versos y Responsos.

  

℣. Ora pro nobis, Beáte Pater Benedícte.

℟. Ut digni efficiámur promissiónibus Christi.

   

ORATIO

Deus, qui beatíssimum Patrem, ac legislatórem nostrum, abstráctum a mundi turbínibus, Tibi soli militáre jussísti: tríbue nobis sub ejus magistério Tibi ferviéntibus perseverándi constántiam et perféctam úsque ad finem victóriam. Per Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancte, Deus, per ómnia sǽcula sæculórum. Amen.

  

AD LAUDES (Laudes, 6:00h)

   

† In nómine Patris, et Fílii, et Spíritus Sancti. Amen.

℣. Deus ✠, in adjutórium meum inténde.

℟. Dómine, ad adjuvándum me festína.

    

℣. Glória Patri, et Fílio, et Spirítui Sancto.

℟. Sicut erat in princípio, et nunc, et semper, et in sǽcula sæculórum. Amen. Desde la Septuagésima hasta la Pascua, en lugar del Allelúja, decir: Laus tibi, Dómine, Rex ætérnæ glóriæ.

  

HIMNUS

Te, Pater alme, pétimus

Ut sanctis tuis précibus,

A cunctis malis prótegas,

Mentésque nostras dírigas. 

Dum laudes Dei cóncinis

Terrénas omnes déspicis;

Hoc nobis quóque óbtine

Hostísque a telo prótege.

O sacrosáncta Trínitas, 

Sit tibi laus et glória:

Quam Benedíctus frúitur, 

Per infiníta sǽcula. Amen.

  

Antiphonam: Beátus vir Benedíctus plus appétiit mala mundi pérpeti quam láudes; pro Deo labóribus fatigári, quam vitæ hujus favóribus extólli.

   

Psalmus 150:

Laudáte Dóminum in sanctis ejus: * laudáte eum in firmaménto virtútis ejus.

Laudáte eum in virtútibus ejus: * laudáte eum secúndum multitúdinem magnitúdinis ejus.

Laudáte eum in sono tubæ: * laudáte eum in psaltério, et cíthara.

Laudáte eum in týmpano, et choro: * laudáte eum in chordis, et órgano.

Laudáte eum in cýmbalis benesonántibus: laudáte eum in cýmbalis jubilatiónis: * omnis spíritus laudet Dóminum.

℣. Glória Patri, et Fílio, * et Spirítui Sancto.

℟. Sicut erat in princípio, et nunc, et semper, * et in sǽcula sæculórum. Amen.

  

Antiphonam: Beátus vir Benedíctus plus appétiit mala mundi pérpeti quam láudes; pro Deo labóribus fatigári, quam vitæ hujus favóribus extólli.

   

En tiempo pascual, se añade el Allelúja a los Himnos, Versos y Responsos.

  

℣. Ora pro nobis, Beáte Pater Benedícte.

℟. Ut digni efficiámur promissiónibus Christi.

   

ORATIO

Deus, qui beátum Patrem nostrum Benedíctum, Abbátem, de ejus quæ in mundo est concupiscéntiæ corruptióne eréptum, Christo fidéliter adhærére fecísti; quǽsumus ut contra sǽculi hujus illécebras tua virtúte roboráti: bravíum supérnæ vocatiónis constánter pérsequi, et felíciter ássequi valeámus. Per eúndem Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancte, Deus, per ómnia sǽcula sæculórum. Amen.

   

AD PRIMAM (A la primera hora, 07:00h)

   

† In nómine Patris, et Fílii, et Spíritus Sancti. Amen.

℣. Deus ✠, in adjutórium meum inténde.

℟. Dómine, ad adjuvándum me festína.

    

℣. Glória Patri, et Fílio, et Spirítui Sancto.

℟. Sicut erat in princípio, et nunc, et semper, et in sǽcula sæculórum. Amen. Desde la Septuagésima hasta la Pascua, en lugar del Allelúja, decir: Laus tibi, Dómine, Rex ætérnæ glóriæ.

  

HIMNUS

Athléta invictíssime,

Sácræque dux milítiæ; 

Nos Benedícte válido, 

Precum defénde bráchio. 

His armis execrábilem, 

Leónis vince rábiem: 

Quíbus olim tetérrimam 

Pellis ab ore mérulam. 

O sacrosáncta Trínitas, 

Sit tibi laus et glória:

Quam Benedíctus frúitur, 

Per infiníta sǽcula. Amen.

  

Antiphonam: Tantam grátiam beáto Benedícto virtus Domínica contúlerat, ut sub uno Solis rádio totum mundum conspíceret.

   

Psalmus 1:

Beátus vir, qui non ábiit in consílio impiórum, et in via peccatórum non stetit, * et in cáthedra pestiléntiæ non sedit:

Sed in lege Dómini volúntas ejus, * et in lege ejus meditábitur die ac nocte.

Et erit támquam lignum, quod plantátum est secus decúrsus aquárum, * quod fructum suum dabit in témpore suo:

Et fólium eius non défluet: * et ómnia quæcúmque fáciet, prosperabúntur.

Non sic ímpii, non sic: * sed támquam pulvis, quem projícit ventus a fácie terræ.

Ídeo non resúrgent ímpii in judício: * néque peccatóres in concílio justórum.

Quóniam novit Dóminus viam justórum: * et iter impiórum períbit.

℣. Glória Patri, et Fílio, * et Spirítui Sancto.

℟. Sicut erat in princípio, et nunc, et semper, * et in sǽcula sæculórum. Amen.

  

Antiphonam: Tantam grátiam beáto Benedícto virtus Domínica contúlerat, ut sub uno Solis rádio totum mundum conspíceret.

   

En tiempo pascual, se añade el Allelúja a los Himnos, Versos y Responsos.

  

℣. Ora pro nobis, Beáte Pater Benedícte.

℟. Ut digni efficiámur promissiónibus Christi.

   

ORATIO

Fac nos, quǽsumus Dómine, beáti Patris nostri Benedícti hic imitári labóres: ut illic ejus glória partícipes esse mereámur. Per Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancte, Deus, per ómnia sǽcula sæculórum. Amen.

    

AD TÉRTIAM (A la hora tercia, 09:00h)

    

† In nómine Patris, et Fílii, et Spíritus Sancti. Amen.

℣. Deus ✠, in adjutórium meum inténde.

℟. Dómine, ad adjuvándum me festína.

    

℣. Glória Patri, et Fílio, et Spirítui Sancto.

℟. Sicut erat in princípio, et nunc, et semper, et in sǽcula sæculórum. Amen. Desde la Septuagésima hasta la Pascua, en lugar del Allelúja, decir: Laus tibi, Dómine, Rex ætérnæ glóriæ.

  

HIMNUS

Urtícæ junctæ vépribus, 

Vulnus curant vulnéribus:

Flammáta mens divínitus, 

Ignem extínguit ígnibus.

   

Crucem mittens, ut lápidem, 

Venéni frangit cálicem: 

Non valet mortis vásculum, 

Vitæ ferre signáculum. 

O sacrosáncta Trínitas, 

Sit tibi laus et glória:

Quam Benedíctus frúitur, 

Per infiníta sǽcula. Amen.

  

Antiphonam: Erat vir Dómini Benedíctus vultu plácido, móribus decorátus Angélicis: tántaque circa eum cláritas excréverat, ut in terris pósitus, in cœléstibus habitáret.

   

Psalmus 119:

Ad Dóminum cum tribulárer clamávi: * et exaudívit me.

Dómine, líbera ánimam meam a lábiis iníquis, * et a lingua dolósa.

Quid detur tibi, aut quid apponátur tibi * ad linguam dolósam?

Sagíttæ poténtis acútæ, * cum carbónibus desolatóriis.

Heu mihi, quia incolátus meus prolongátus est: habitávi cum habitántibus Cedar: * multum íncola fuit ánima mea.

Cum his, qui odérunt pacem, eram pacíficus: * cum loquébar illis, impugnábant me gratis.

℣. Glória Patri, et Fílio, * et Spirítui Sancto.

℟. Sicut erat in princípio, et nunc, et semper, * et in sǽcula sæculórum. Amen.

  

Antiphonam: Erat vir Dómini Benedíctus vultu plácido, móribus decorátus Angélicis: tántaque circa eum cláritas excréverat, ut in terris pósitus, in cœléstibus habitáret.

   

En tiempo pascual, se añade el Allelúja a los Himnos, Versos y Responsos.

  

℣. Ora pro nobis, Beáte Pater Benedícte.

℟. Ut digni efficiámur promissiónibus Christi.

   

ORATIO

Intercéssio nos, quǽsumus Dómine, beáti Patris nostri Benedícti Abbátis comméndet; ut quod nostris méritis non valémus, ejus patrocínio assequámur. Per Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancte, Deus, per ómnia sǽcula sæculórum. Amen.

    

AD SEXTAM (Al medio día, 12:00h)

   

† In nómine Patris, et Fílii, et Spíritus Sancti. Amen.

℣. Deus ✠, in adjutórium meum inténde.

℟. Dómine, ad adjuvándum me festína.

    

℣. Glória Patri, et Fílio, et Spirítui Sancto.

℟. Sicut erat in princípio, et nunc, et semper, et in sǽcula sæculórum. Amen. Desde la Septuagésima hasta la Pascua, en lugar del Allelúja, decir: Laus tibi, Dómine, Rex ætérnæ glóriæ.

  

HIMNUS

Frater, quem tunc nequíssimus,

Vagum raptábat spíritus,

Dum tua virga cǽditur,

Stabilitáti rédditur.

   

Tua caréntum grátia, 

Tellus vomit cadávera, 

Devótis unda líquida, 

Sicca lambit vestígia

O sacrosáncta Trínitas, 

Sit tibi laus et glória:

Quam Benedíctus frúitur, 

Per infiníta sǽcula. Amen.

  

Antiphonam: Gloriósus conféssor Dómini Benedíctus, vitam angélicam gerens in terris, spéculum bonórum óperum factus est mundo; et ídeo sine fine gáudet in cœlis.

   

Psalmus 122:

Ad te levávi óculos meos, * qui hábitas in cœlis.

Ecce, sicut óculi servórum * in mánibus dominórum suórum,

Sicut óculi ancíllæ in mánibus dóminæ suæ: * ita óculi nostri ad Dóminum, Deum nostrum, donec misereátur nostri.

Miserére nostri, Dómine, miserére nostri: * quia multum repléti sumus despectióne:

Quia multum repléta est ánima nostra: * oppróbrium abundántibus, et despéctio supérbis.

℣. Glória Patri, et Fílio, * et Spirítui Sancto.

℟. Sicut erat in princípio, et nunc, et semper, * et in sǽcula sæculórum. Amen.

  

Antiphonam: Gloriósus conféssor Dómini Benedíctus, vitam angélicam gerens in terris, spéculum bonórum óperum factus est mundo; et ídeo sine fine gáudet in cœlis.

   

En tiempo pascual, se añade el Allelúja a los Himnos, Versos y Responsos.

  

℣. Ora pro nobis, Beáte Pater Benedícte.

℟. Ut digni efficiámur promissiónibus Christi.

   

ORATIO

Deus, in cujus virtúte beátus Pater noster Benedíctus extincta fecit púeri membra revivíscere; præsta, quǽsumus, ejus méritis per afflátum Tui Spíritus, a morte ánimæ vivificári. Per Dóminum nostrum Jesum Christum, Fílium tuum, qui tecum vivit et regnat in unitáte ejúsdem Spíritus Sancte, Deus, per ómnia sǽcula sæculórum. Amen.

  

AD NONAM (A la hora nona, 15:00h)

   

† In nómine Patris, et Fílii, et Spíritus Sancti. Amen.

℣. Deus ✠, in adjutórium meum inténde.

℟. Dómine, ad adjuvándum me festína.

    

℣. Glória Patri, et Fílio, et Spirítui Sancto.

℟. Sicut erat in princípio, et nunc, et semper, et in sǽcula sæculórum. Amen. Desde la Septuagésima hasta la Pascua, en lugar del Allelúja, decir: Laus tibi, Dómine, Rex ætérnæ glóriæ.

  

HIMNUS

Tótius orbis ámbitum

Per solis videt rádium: 

Mens in auctóre pósita 

Subjécta cernit ómnia.

   

O virum vere cœ́licum, 

O rerum Dei cónscium, 

Germáni videt ánimam, 

Lætam ire ad cœléstia.

O sacrosáncta Trínitas, 

Sit tibi laus et glória:

Quam Benedíctus frúitur, 

Per infiníta sǽcula. Amen.

  

Antiphonam: Vir Dei Benedíctus ómnium justórum spíritu plenus fuit: ipse intercédat pro cunctis monásticæ professiónis.

   

Psalmus 125:

In converténdo Dóminus captivitátem Sion: * facti sumus sicut consoláti:

Tunc replétum est gáudio os nostrum: * et lingua nostra exsultatióne.

Tunc dicent inter gentes: * Magnificávit Dóminus fácere cum eis.

Magnificávit Dóminus fácere nobíscum: * facti sumus lætántes.

Convérte, Dómine, captivitátem nostram, * sicut torrens in Áustro.

Qui séminant in láchrymis, * in exsultatióne metent.

Eúntes ibant et flebant, * mitténtes sémina sua.

Veniéntes áutem vénient cum exsultatióne, * portántes manípulos suos.

℣. Glória Patri, et Fílio, * et Spirítui Sancto.

℟. Sicut erat in princípio, et nunc, et semper, * et in sǽcula sæculórum. Amen.

  

Antiphonam: Vir Dei Benedíctus ómnium justórum spíritu plenus fuit: ipse intercédat pro cunctis monásticæ professiónis.

   

En tiempo pascual, se añade el Allelúja a los Himnos, Versos y Responsos.

  

℣. Ora pro nobis, Beáte Pater Benedícte.

℟. Ut digni efficiámur promissiónibus Christi.

   

ORATIO

Concede nobis quǽsumus, Dómine, álacris ánimis beáti Patris nostri Benedícti commemoratiónem quotídie perágere: cujus divérsis decoráta miráculis Tibi vitam complácuit. Per Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancte, Deus, per ómnia sǽcula sæculórum. Amen.

    

AD VÉSPERAS (Vísperas, 18:00h)

   

† In nómine Patris, et Fílii, et Spíritus Sancti. Amen.

℣. Deus ✠, in adjutórium meum inténde.

℟. Dómine, ad adjuvándum me festína.

    

℣. Glória Patri, et Fílio, et Spirítui Sancto.

℟. Sicut erat in princípio, et nunc, et semper, et in sǽcula sæculórum. Amen. Desde la Septuagésima hasta la Pascua, en lugar del Allelúja, decir: Laus tibi, Dómine, Rex ætérnæ glóriæ.

  

Antiphonam: Pater sanctus, dum inténtam oculórum áciem in splendóre corúsce lucis habére viderétur vidit Germáni ánimam Capuáni Epíscopi, in sphera ígnea in cœlum ab Ángelis deférri.

   

Psalmus 109:

Dixit Dóminus Dómino meo: * Sede a dextris meis:

Donec ponam inimícos tuos, * scabéllum pedum tuórum.

Virgam virtútis tuæ emíttet Dóminus ex Sion: * domináre in médio inimicórum tuórum.

Tecum princípium in die virtútis tuæ in splendóribus sanctórum: * ex útero ante lucíferum génui te.

Jurávit Dóminus, et non pœnitébit eum: * Tu es sacérdos in ætérnum secúndum órdinem Melchísedech.

Dóminus a dextris tuis, * confrégit in die iræ suæ reges.

Judicábit in natiónibus, implébit ruínas: * conquassábit cápita in terra multórum.

De torrénte in via bibet: * proptérea exaltábit caput.

℣. Glória Patri, et Fílio, * et Spirítui Sancto.

℟. Sicut erat in princípio, et nunc, et semper, * et in sǽcula sæculórum. Amen.

  

Antiphonam: Pater sanctus, dum inténtam oculórum áciem in splendóre corúsce lucis habére viderétur vidit Germáni ánimam Capuáni Epíscopi, in sphera ígnea in cœlum ab Ángelis deférri.

Capítulum (Eccli. 50, 6-7).

Ecce Conféssor magnus, quasi stella matutína in médio nébulæ, et quasi luna plena, in diébus suis lucet. Et quasi sol refúlgens, sic ille effúlsit in templo Dei.

℟. Deo grátias.

(De rodillas): ℟. Sancte Pater Benedícte, * Intercéde pro nobis.

℟. Sancte Pater Benedícte, * Intercéde pro nobis.

℣. Ut digni efficiámur promissiónibus Christi.

℟. Intercéde pro nobis.

℣. Glória Patri, et Fílio, * et Spirítui Sancto.

℟. Sancte Pater Benedícte, * Intercéde pro nobis.

  

HIMNUS

Sanctæ soróris spíritum, 

Omni labe puríssimum, 

Instar colúmbæ cándidæ, 

Cœlum videt ascéndere. 

Beáta demum córpora, 

Unum cláusit sarcóphagum 

Mens quíbus una fúerat, 

Par cœlo servat glória.

O sacrosáncta Trínitas, 

Sit tibi laus et glória:

Quam Benedíctus frúitur, 

Per infiníta sǽcula. Amen.

  

En tiempo pascual, se añade el Allelúja a los Himnos, Versos y Responsos.

  

℣. Ora pro nobis, Beáte Pater Benedícte.

℟. Ut digni efficiámur promissiónibus Christi.

Antiphonam: Sanctíssime Conféssor Dómini, monachórum Pater et dux Benedícte, intercéde pro nostra omniúmque salúte.

   

Canticum B. Mariæ V. (Luc. 1, 46-55):

Magníficat ✠ * ánima mea Dóminum.

Et exsultávit spíritus meus: * in Deo, salutári meo.

Quia respéxit humilitátem ancíllæ suæ: * ecce enim ex hoc beátam me dicent omnes generatiónes.

Quia fecit mihi magna qui potens est: * et sanctum nomen ejus.

Et misericórdia ejus, a progénie in progénies: * timéntibus eum.

Fecit poténtiam in brácchio suo: * dispérsit supérbos mente cordis sui.

Depósuit poténtes de sede: * et exaltávit húmiles.

Esuriéntes implévit bonis: * et dívites dimísit inánes.

Suscépit Ísraël púerum suum: * recordátus misericórdiæ suæ.

Sicut locútus est ad patres nostros: * Ábraham, et sémini ejus in sǽcula.

℣. Glória Patri, et Fílio, * et Spirítui Sancto.

℟. Sicut erat in princípio, et nunc, et semper, * et in sǽcula sæculórum. Amen.

Antiphonam: Sanctíssime Conféssor Dómini, monachórum Pater et dux Benedícte, intercéde pro nostra omniúmque salúte.

   

ORATIO

Excíta, Dómine, in Ecclésia tua spíritum cui beátus Pater noster Benedíctus Abbas servívit; ut eódem nos repléti: studeámus amáre quod amávit, et ópere exercére quod dócuit. Per Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancte, Deus, per ómnia sǽcula sæculórum. Amen.

  

AD COMPLETÓRIUM (Completas, 21:00h)

   

† In nómine Patris, et Fílii, et Spíritus Sancti. Amen.

℣. Jube, domne, benedícere.

℟. Noctem quiétam et finem perféctum concédat nobis Dóminus omnípotens. Amen.

LECTIO BREVIS. Incipit Prólogus in Régulam Sanctíssimi Patris nostri Benedícti.

Auscúlta, O fili, præcépta magístri, et inclína aurem cordis tui; et admonitiónem pii Patris libénter éxcipe, et efficáciter comple. Tu autem, Dómine, miserére nobis. ℟. Deo grátias.

℣. Convérte nos ✙︎, Deus salutáris noster.

℟. Et avérte iram tuam a nobis.

    

℣. Glória Patri, et Fílio, et Spirítui Sancto.

℟. Sicut erat in princípio, et nunc, et semper, et in sǽcula sæculórum. Amen. Desde la Septuagésima hasta la Pascua, en lugar del Allelúja, decir: Laus tibi, Dómine, Rex ætérnæ glóriæ.

  

HIMNUS

Te Pater alme pétimus

Pronis mentis viscéribus:

Ut cœlum des ascéndere

Quos doces terram spérnere.

Quæ sursum sunt da quærére,

Sanctam serváre régulam:

Christi fovéri grátia,

Demúmque frui glória.

O sacrosáncta Trínitas, 

Sit tibi laus et glória:

Quam Benedíctus frúitur, 

Per infiníta sǽcula. Amen.

Capítulum (Eccli. 50, 10).

Quási vas áuri sólidum, ornátum omni lápide pretióso: quasi olíva púllulans, et cypréssus in altitúdinem se extóllens. Et circa illum coróna fratrum. Quási plantátio cedri in monte Líbano, sic circa illum stetérunt quási rami palmæ, et omnes fílii Áaron in glória sua. ℟. Deo grátias.

   

Antiphonam: Exsúltet ómnium turba fidélium, pro glória almi Patris nostri Benedícti: lætentur præcípue catérvæ monachórum, ejus memóriam celebrántes in terris: de cujus societáte Sancti congáudent in cœlis.

  

En tiempo pascual, se añade el Allelúja a los Himnos, Versos y Responsos.

  

℣. Ora pro nobis, Beáte Pater Benedícte.

℟. Ut digni efficiámur promissiónibus Christi.

    

ORATIO.

Per intercessiónem sanctíssimi Patris nostri Benedícti custódi nos, Dómine, ab omni diabólico incúrsu: et sanctórum Angelórum protectióne defénde: ut ad Te perveníre felíciter valeámus. Per Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancte, Deus, per ómnia sǽcula sæculórum. Amen.

   

℣. Dómine, exáudi oratiónem meam.

℟. Et clamor meus ad Te véniat.

℣. Benedicámus Dómino.

℟. Deo grátias.

   

Intercéssio sanctíssimi Patris nostri Benedícti protégat nos; et præsídium beátæ Maríæ Vírginis præsérvet nos: et benedíctio Dei Omnipoténtis, ✠ Patris, et Fílii, et Spíritus Sancti, descéndat super nos, et máneat semper. ℟. Amen.

  

Ad Beatíssimum Patrem Benedíctum filiális recommendátio.

Alme Pater Benedícte: monachórum dux et monárcha: spes, et solátium ómnium ad te toto corde clamántium tuæ sanctíssimæ protectióni humíliter me comméndo: ut propter excelléntiam meritórum tuórum, ab ómnibus, quæ contrária sunt ánimæ meæ, defendére me dignéris átque de pietáte tua abundántiam compunctiónis, et lachrymárum grátiam mihi ímpetres ut digne copióseque váleam tanta mala, et offénsas plángere, quíbus a juventúte mea amábilem, et desiderábilem Dóminum Jesum Christum provocávi frequéntius téque digne laudáre, et venerári mérear. O olíva, o vitis nímium in domo Dei fructífera. O vas áuri sólidum, omni ornátum lápide pretióso secúndum cor Dei eléctum, et dulcíssimum: innumérisque gratiárum charismátibus támquam gemmis coruscántibus decorátum: te oro, te rogo: tibi toto cordis afféctu ab ómnibus ánimæ desidériis benigníssime Pater, dúlcisque magíster supplíco: ut mei míseri peccatóris memor esse dignéris apud Deum: ut peccátis meis ómnibus benígnus indúlgeat, méque in bono consérvet: nec ab eo únquam discédere áliqua necessitáte permíttat, sed ad beatórum consórtium, visiónemque ejus delectábilem post te Pater admíttat: ubi tecum cœ́tuque cum illo Monachórum máximo sub tuo vexíllo pósito, gaudére perpétuo possim Dómino nostro Jesu Christo præstánte. Qui cum Patre, et Spíritu Sancto vivit et ipso Deo regnat in sǽcula sæculórum. Amen.