lunes, 12 de septiembre de 2016

LETANÍAS A NUESTRA SEÑORA EN TIEMPO DE GUERRA

Esta oración es tan antigua que no se conoce autor conocido, sólo se sabe que en Venecia se imprimió en 1704 en un devocionario (que no ha llegado completo a nuestros días), y que era rezada en la Basílica de San Marcos de la dicha ciudad.
     
SUPPLICATIÓNES AD SANCTÍSSIMAM VÍRGINEM MARIAM TÉMPORE BELLI, SECÚNDUM CONSUETÚDINEM DUCÁLIS BASÍLICÆ SANCTE MARCI VENETIÁRUM
seu
LITANÍÆ PATRIARCHÍNÆ
  
 
Antíphona: Exáudi nos, Dómine, quoniam benígna est misericórdia tua: secúndum multitúdinem miseratiónum tuárum réspice nos, Dómine.  
Ps. 68, 2. Salvum me fac, Deus: quoniam intráverunt aquae usque ad ánimam meam.
  
℣. Glória Patri, et Fílio, et Spíritui Sancto.
℞. Sicut erat in princípio, et nunc et semper, et in sǽcula sæculórum. Amen.
 
Antíphona: Exáudi nos, Dómine, quoniam benígna est misericórdia tua: secúndum multitúdinem miseratiónum tuárum réspice nos, Dómine.

Kyrie eléison.
Christe eléison.
Kyrie eléison.
 
Christe audi nos.
Christe exáudi nos.
  
Pater de cœlis Deus, miserére nobis.
Fili Redémptor mundi Deus, miserére nobis.
Spíritus Sancte Deus, miserére nobis.
Qui es Trinus, et unus Deus, miserére nobis.
 
Sancta María, Mater Christi sanctíssima, ora pro nobis.
Sancta María, Virgo vírginum, ora pro nobis.
Sancta María, Dei Génitrix et Virgo, ora pro nobis.
Sancta María, Virgo perpétua, ora pro nobis.
Sancta María, grátia Dei plena, ora pro nobis.
Sancta María, ætérni Regis Fília, ora pro nobis.
Sancta María, Mater Christi et Sponsa, ora pro nobis.
Sancta María, Templum Spíritus Sancti, ora pro nobis.
Sancta María, Cœlórum Regína, ora pro nobis.
Sancta María, Angelórum Dómina, ora pro nobis.
Sancta María, Scala Cœli rectíssima, ora pro nobis.
Sancta María, felix Porta Paradísi, ora pro nobis.
Sancta María, nostra Mater et Dómina, ora pro nobis.
Sancta María, Spes vera Fidélium, ora pro nobis.
Sancta María, Mater Misericórdiæ, ora pro nobis.
Sancta María, Mater ætérni Príncipis, ora pro nobis.
Sancta María, Mater veri consílii, ora pro nobis.
Sancta María, Mater veræ Fídei, ora pro nobis.
Sancta María, Virtus Divínæ Incarnatiónis, ora pro nobis.
Sancta María, Consílium cœléstis árcani, ora pro nobis.
Sancta María, Thesáurus Fidélium, ora pro nobis.
Sancta María, nostra Salus vera, ora pro nobis.
Sancta María, Mater veri gáudii, ora pro nobis.
Sancta María, Stella cœli claríssima, ora pro nobis.
Sancta María, cœléstis Pátriæ desidérium, ora pro nobis.
Sancta María, omni honóre digníssima, ora pro nobis.
Sancta María, cœléstis vitæ jánua, ora pro nobis.
Sancta María, pulchritúdo Angelórum, ora pro nobis.
Sancta María, flos Patriarchárum, ora pro nobis.
Sancta María, desidérium Prophetárum, ora pro nobis.
Sancta María, thesáurus Apostolórum, ora pro nobis.
Sancta María, laus Mártyrum, ora pro nobis.
Sancta María, glorificátio Sacerdótum, ora pro nobis.
Sancta María, Castitátis éxemplum, ora pro nobis.
Sancta María, Archangelórum lætítia, ora pro nobis.
Sancta María, ómnium Sanctórum exsultátio, ora pro nobis.
Sancta María, mæstórum consolátio, ora pro nobis.
Sancta María, miserórum refúgium, ora pro nobis.
Sancta María, ómnium fons aromátum, ora pro nobis.
Sancta María, glória ómnium Vírginum, ora pro nobis.
Sancta María, Stella maris firmíssima, ora pro nobis.
 
Kyrie eleison.
Christe eleison.
Kyrie eleison.
  
Antíphona: Sub tuum præsídium confúgimus, sancta Dei Génetrix; nostras deprecatiónes ne despícias in necessitátibus; sed a perículis cunctis líbera nos semper, Virgo gloriósa et benedícta. Amen.
  
℣. Ora pro nobis, Sancta Dei Génetrix.
℞. Ut digni efficiámur promissiónibus Christi.
   
℣. Dómine, exáudi oratiónem meam.
℞. Et clamor meus ad te véniat. 
  
Orémus.

ORATIO
Fámulis tuis, quǽsumus, Dómine, cœléstis grátiæ munus impertíre: ut, quibus beátæ Vírginis partus éxstitit salútis exórdium; Nativitátis ejus votíva sollémnitas pacis tríbuat increméntum.
  
Deus, cui próprium est miseréri semper et párcere; súscipe deprecatiónem nostram; ut nos, et omnes fámulos tuos, quos delictórum caténa constríngit, miserátio tuæ pietátis cleménter absólvat. 
   
Omnípotens sempitérne Deus, in cujus manu sunt ómnium potestátes et ómnia jura regnórum, réspice in auxílium Christianórum, ut gentes turcárum, quæ in sua feritáte confídunt, poténtiæ tuæ déxtera comprimántur.
 
Defénde, quǽsumus Dómine, beáta Maria semper Vírgine intercedénte, istam ab omni adversitáte Rempúblicam (vel Regnum, vel Famíliam); et toto corde tibi prostrátam ab hóstium propítius tuere cleménter insídiis. Per Dóminum nostrum Jesum Christum Fílium tuum: Qui tecum vivit et regnat in unitáte Spíritus Sancti Deus, per ómnia sǽcula sæculórum. Amen. 

℣. Dómine, exáudi oratiónem meam.
℞. Et clamor meus ad te véniat.
℣. Exáudiat nos omnípotens et miséricors Dóminus.
℞. Et custódiat nos semper. Amen.
℣. Fidélium ánimæ per misericórdiam Dei requiéscant in pace.
℞. Amen.

2 comentarios:

  1. Jorge, pode postar o rosário da Sagrada Face em latim? Obrigado. Pax Dómini.

    ResponderEliminar
    Respuestas
    1. En la medida que nos sea posible encontrar una traducción.

      Eliminar